Guzaarey Thay Woh Pyarey Lamhey, Jo Banhon Mein Ter

~~*Guzaarey Thay Woh Pyarey Lamhey, Jo Banhon Mein Teri~~*




Guzaarey Thay Woh Pyarey Lamhey, Jo Baanhon Mein Teri

Khusboo Ban Ke Jee Rahey Hain, Woh Saanson Mein Mairi




Haathon Mein Utha Loon Tum Ko, Barra Lamba Hai Safar

Chubhey Kaantey Sab Mujhey Woh, Jo Hon Raahon Mein Teri




Pakra Haath Tha Jo Tumhara, Wajah Uss Ki To Yehi Thi

Sachaai Jhalak Rahi Thi Aisey, Sab Waadon Mein Teri




Kuch Bhi Kaho Ye Bandhan, Itna Kamzor To Nahin Hai

Ke Bass Reh Jaaon Ikk Yaad Ban Kar, Yaadon Mein Teri




Kaisey Bhula Doon Pal Woh Saarey, Jab Tum Ne Ye Kaha Tha

Ke Tumhari Dunya To Abb Rahey Gi, Sada Baanhon Mein Mairi




Abb Kehte Ho Tum Ke Raasta, Mujh Say Kar Liya Juda Hai

Kya Pehley Ki Tarah Phir Aa Jaoon, Main Baaton Mein Teri?




Mairey Pyar Ki Hai Jo Shidat, Tumhein Khoob Khabar Hai Iss Ki

Har Aansoo Mairi Aankh Say Nikla, Tha Jo Aankhon Mein Teri




Dil Ko Jala Loon Apney, Par Itni Sii Shart Pey 'Gargi'

Jo Iss Ke Jalney Say Roshni Aa Jayey, Yoon Raaton Mein Teri !