વાતો બધી એ અધૂરી બોલે છે,

વાતો બધી એ અધૂરી બોલે છે,


પછી એની આંખડીઓ બોલે છે.


કાનમાં આવી એ સુનું બોલે છે,


કાયમ ઘણું એની યાદો બોલે છે.


“હું નથી”, દિશા બધીય બોલે છે.


મનેય થાય કે કોઇ તો બોલે છે.


ચૂપકીદી સાધી પડઘાઓ બોલે છે,


આંખોમાં કેદ આ અશ્રુય બોલે છે.


અગૂઢ અજાણ કોઇ જણ બોલે છે.


સાંભળ રે દિલ, ઉર-ઈશ બોલે છે.


દફન થયો છું, સહુ કોઇ બોલે છે,


તોયે એની વાતો મને બોલે છે.


નહી બોલું કહીનેય બોલે છે


- એરિસાય, તો એની કિટ્ટાય બોલે છે !


યુગોથી હંમેશ જ જમાનો બોલે છે.


તોયે કહે બધા, “તું બહુ બોલે છે.”



- કુણાલ

પ્રેમમાં તો એવું ય થાય છે....

” પ્રેમમાં તો એવું ય થાય છે.

સાવ અણધાર્યું કોઇ ગમી જાય છે.

પ્રેમમાં ના પડવાનું, ઉપડવાનું છે, સખી,

સંગાથે ઊડવાનું થાય છે.

જયારે અણધાર્યું કોઇ ગમી જાય છે.

ત્યારે અંદર હેમંત કોઇ ગાય છે.

પ્રેમમાં જો હોઇએ તો પ્રેમમાં જ રહીએ

બસ એવું એવું તો પ્રેમમાં થાય છે.

જયારે અણધાર્યું કોઇ ગમી જાય છે.”